1991n eratu zuten Ars Combinatoria. Erdi Aroko doinuekin eta batez ere XVI. mendekoekin hasi ziren, baina urteak aurrera joan ahala zabaldu egin zuten errepertorioa, abesti garaikideak jotzeraino. Danok Kide elkarteko ordezkari Jesus Mari Egizabalek nabarmendu duenez, diziplina musikal oro "sakonki" ezagutzen dute talde horretako musikariek: "Esperientzia izugarria dute, eta langile finak dira". Jakinarazi duenez, musikari profesionalek osatzen dute Ars Combinatoria, Espainiar Estatuan nahiz atzerrian aritutako "espezialistak", baina interprete gazte batzuk ere bai. "Programazio zabala eta aberatsa osatu dute, eta eszenatokian modu originalean aurkezten dute".