Errigorako partaideek eskerrak eman dizkiete egitasmoarekin bat egin duten bezero guztiei. "Eskerrik asko, eta zorionak, uzta jasotzearekin batera erein egingo baitugu: kontsumitzaileen partetik jasotako babes izugarria ekoizpenaren eremuan pauso berriak emateko akuilu izango delako".
Antolatzaileek jakinarazi dute boluntarioak hasi direla herri bakoitzera helduko diren kutxa eta bidoiak prestatzen. "Hilaren 20tik aurrera, auzolanean berriro, herriz herri eramango dituzte produktuak kamioiek, tokian tokiko laguntzaileek hartu eta banaketak antola ditzaten".