Aste Santuko oporrak hasi baino lehen, LOKEko gimnastek bi hitzorduri egin zieten aurre: Santutxu Torneoa, Bizkaian eta Beti Aurrera Torneoa, Gasteizen.
Santutxuko proba goizean lehiatu zen. Bertan hiru ordezkari izan zituen Lasarte-Oriako gimnastika taldeak: Marian Prieto, Maitane Sarmiento eta Maialen Aranzabe.
Kadete mailan lehiatu ziren bi kideak, Sarmiento eta Aranzabe, podiumeta igo ziren bakoitza bere mailan. Aranzabe garaile izan zen B mailan mazo lanarekin eta Sarmientok zilarra jantzi zuen A kategorian pilota lanarekin.
Prietok, aldiz, jubenil a mailan uztaiarekin egin zuen lan eta podiumetik gertu geratu zen, laugarren sailkatu zen.
Arratsaldean, Beti Aurrera Torneoko tapizean aritu ziren senior B mailako Paula Martinez, jubenil B mailako Erika Tejero eta kadete B mailako bi taldeak.
Tejerok izan ezik, beste guztiek pilotarekin egin zuten lan. Jubenil B mailako gimnastak mazoak izan zituen lan tresna eta ez zen gaizki jardun; podiumeko hirugarren mailara igo zen. Maila berean amaitu zuen saioa LOKE 2 taldeak ere. Martinez seniorra laugarren izan zen eta LOKE 1 taldea bosgarren.
LOKEko arduradunak pozarren daude lortutako emaitzekin eta Gasteizen Erika Tejerok eta LOKE2 taldeen lana nabarmendu nahi dute, "euren lehen esperientzia zuten horrelako txapelketa batean".