Sagardotegi giroan agur esan diote martxoari Semblante Andaluz elkarteko bazkideek. Urtero legez, barrikotea egin dute Atsobakar auzoko egoitzan. Aburuzako sagardoa ezkondu dute garai honetan ohikoak diren jakiekin: bakailao tortilla, bakailao frijitua piper berdeekin, txuleta, gazta, irasagarra eta intxaurrak. Andaluzia eta Euskal Herriaren arteko harremanak indartzeko altxa dituzte edalontziak zerura.