"15 urte betetzear nituela jabetu nintzen mutila nintzela", kontatu die Navarrok Maddalen Arzallus eta Xabier Sukia aurkezleei. Lagun bati kontatu zion aurrena, eta amarekin hitz egiteko aholkatu zion hark. "Barruan neraman guztia askatu nuen berarekin, eta esan nion hilabete batzuk hartuko nituela gaiari buruz pentsatzeko; denbora hori pasata, trantsizioarekin hasi nahi nuela esan nion". "Une txar batzuk" pasa dituen arren, prozesua "primeran" darama gazteak: "Hartu ditudan erabakiekin gustura eta harro nago".
Hormonazio prozesuari ekin aurretik, izena aldatzea erabaki zuen. "Iruditzen zait badela definitzen zaituen elementu bat dela, iruditu zitzaidan aldatu egin behar nuela izena, gainerakoek mutil gisa ikusteko ni". Lasarteoriatar gazteak adierazi du "oso ondo" hartu zutela albistea bere ingurukoek, oro har.
Biba Zuek saioko elkarrizketa hemen ikus dezakezue