Hilaren 25ean eta 26an, Paco Yoldi kiroldegian lehiatu zen eskolarteko txapelketako bigarren fasea eta alebin zein infantil mailako LOKEko zein Landaberriko taldeak ederki jardun ziren.
Alebinen saioa izan zen lehen egunean. Taldeen atalean, Alebin B mailan Landaberri eta Alebin C mailan Landaberri 1ek eta 2k parte hartu zuten. Lehena laugarren postuan sailkatu zen eta gainerako biak bigarren eta seigarren izan ziren hurrenez hurren.
LOKEko taldeko entrenatzaileek Alebin B mailako taldearen jarduna azpimarratu dute: "Lehen faseko emaitzari itzulia eman diote eta sailkapena lortu dute".
Alaia Jimenezek, aldiz, Alebin B mailako bakarkako lehian egin zuen lan; Laia Suberbiolarekin bikote egiten ari da. Bigarren postuan amatu dute lehiaketa.
Infantilek egun bat geroago atera ziren tapizera. C mailan lehiatu ziren Landaberri 1 eta 2 eta laugarren eta zazpigarren izan ziren.
Gimnastika taldeko entrenatzaileak pozarren daude gimnastek bigarren fase horretan egindako lanarekin, baita guztiak finalean izango direlako ere.
Aste Santuan atseden hartu eta itzultzerakoan finala prestatzeko gogor lan egingo dutela ere adierazi dute gimnastika taldeko arduradunek.