Ernai Gazte Antolakundeak 10 urte bete ditu aurten, eta, ospatzeko, jarduera ugari egiten ari da herriz herri. Lasarte-Oriako taldeak zenbait ekimen prestatu ditu etzirako, hilak 25, Lasartetik ari gara lelopean. Bazkarirako izen ematea Ilargi tabernan edo Ernai Lasarte-Oriaren Instagram kontuan egin dezakete herritarrek. Antolatzaileek jakinarazi dute menu beganoa ere izango dutela aukeran.