Lasarte-Oria antzezleku bilakatuko dute larunbatean

Txintxarri Aldizkaria 2023ko martxoaren 21a
Deskargatu Info Ahotsak :
Español English Français Català Galego

Urtero lez, Antzerkiaren Nazioarteko Eguna (hilaren 27an izango da, astelehenarekin) ospatuko du Kukuka Antzerki eta Dantza Eskolak. Zabaleta auzoko Basotxo plazatik hasita, 12:00etatik aurrera, kalean esketxak egingo dituzte ikasleek, Jaizkibel nahiz Dorre plazetan egingo dituzten geldialdietan. Ordubete geroago, ekitaldi nagusia aurrera eramango dute Okendo plazan, eta manifestua irakurriko. 

EGITARAUA
  • Basotxo plazatik abiatuta, 12:00etan, Antzerkia kalera! egitasmoa. Kukukako ikasleek esketxak egingo dituzte Jaizkibel nahiz Dorre plazetan.
  • Okendo plazan, 13:00etan, ekitaldi nagusia eta manifestuaren irakurketa.

Jardueren antolatzaileek herritarrak animatu dituzte bertaratu eta antzerkiaz gozatzera.

Kultura