Ama Guadalupe Extremadura Etxeko bazkide ugarik bazkari ederra egin zuten iragan larunbatean. Sagardotegi denboraldi betean gaudenez, horietan zerbitzatu ohi diren jakiekin osatu zuten menua: bakailao tortilla, bakailao frijitua piperrekin eta txuleta. Postrerako, berriz, gazta, irasagarra eta intxaurrak jan zituzten. Bereziartua sagardotegiko sagardo freskoarekin txotx egin zuten.