Lehen metroetatik lasterketa buruan jarri zen Joseba Diaz eta jarraitzaileen multzoan izan zen Aloña Mendi taldeko Jon Presa herritarra. Kontxa aldean ihes egin zuen eta hirugarren (32.01) iritsi zen helmugara.
Horrez gain, proban 10 kilometrotako Gipuzkoako txapelketa ere zegoen jokoan eta horregatik, brontzezko domina ere jaso zuen Presak.
Ez zen saria jaso zuen herritar bakarra izan; Julen Goenagak (34.42) EHUko lehen ikaslea izateagatik lortu zuen garaikurra.
Añorgako duatloia
Egun horretan bertan, Añorgako II duatloia ere lehiatu zen eta hainbat herritar izan ziren lehian. Zumeatarra taldeko Andponi Illarramendi izan zen lehena helmuga zeharkatzen (01.14.11), baita probako beterano 2 mailako garailea ere.
Gainerako herritarrak Trinko taldeko Iurgi Los Arcos (01.18.55) eta Mikel Izagirre (02.22.19) eta Zumeatarrako Ibai Izagirre (01.19.58) eta Unai. G. Somovilla (01.27.35).