Finalean Hernaniko Manterola izan zuen aurrez aurre. Hernaniarra nagusi izan zen eta lasarteoriatarrak ezin izan zuen ezer egin. Aurkaria 35-12 gailendu zen.
Jose Felix Solano Intzako arduradunak azaldu digunez, partida hasi eta gutxira, gainera, Urdanpilletak bere denboraldia lausotzen ari den eskuineko eskuko mina jasan behai zan zuen; horrek bere jokoa gehiago murriztu zuen.
Ekialdeko txapelketa
Trinketeko lehiaz gain, Urdanpilletak Haritza Diaz de Gereñurekin batera Udaberri txapelketako jubenil 1. mailako ligaxkari amaiera eman zion. Bikoteak Eibarren aurka jokatu zuen eta aurkariak 12-22 gailendu ziren. Hurrengo fasean Ekialdeko txapelketa lehiatuko dute.
Jubenil bigarren mailako bikoteak ere ez zuen zorterik izan. EPLErekin neurtu zituen indarrak eta lasarteoriatarren akatsek aurkariaren garaipena ekarri zuen, 22-17.
Alebin mailan ere emaitzak ez ziren aldeko izan. Lehen mailakoek 9-16 galdu zuten Txapagainen aurka. Bigarren mailan, nahiz eta Markel Lopez eta Ekhi Maiz ongi jokatu, Añorgako bikotea 16-9 nagusitu zen.
Bigarren jubenil eta alebin lehen mailako bikoteak ekialde txapelketatik kanpo geratu dira. Lehen faseko bosgarren eta hirugarren sailkatu dira hurrenez hurren euren multzoetan eta ez dute aurrera egingo.