Erlojupeko proba izan zen Nerbioi ibaiko uretan eta Intza Fernandez herritarra kide duen Hondarribia bigarren sailkatu zen.
Bederatzi eskifaia izan ziren emakumezkoen jaitsieran parte hartzen eta azken aurreko atera zen ibaira. Aurkarien denborak buruan guztien denbora ondu zuen helmugan, 15.31,95. Ostean Orio zetorren, ordea. Ziabogan mirotzek 30 segundoko aldea ireki zuten eta helmugara iristean ere ederki mantendu zuten. Ondorioz, Oriora joan zen bandera.
Gizonezkoen mailan, aldiz, lehiakide kopurua 29koa izan zen. Hibaika – Gaizka Ormazabal herritarraren ontzia – lehenetarikoa izan zen uretan. Helmugan 23.06,27 denbora egin eta 26. postuan sailkatu zen.