Lehiaketan parte hartzen duten gazteek nahi adina lan egin eta aurkeztu ahalko dituzte; jatorrizkoak izan beharko dute afixek, inon aurkeztu eta saritu gabeak. Guztien izenburua, bai ala bai, honako hau izango da: Martxoak 8 de Marzo, Emakumeen Nazioarteko Eguna, Día Internacional de las Mujeres. Oinarri zehatzak dokumentu honetan jaso ditu udalak.
Epea eta bozketa
Arestian esan bezala, kartelak aurkezteko azken eguna hilaren 28a izango da, asteartea. Hiru onenak aukeratzeko prozesua hurrengo egunean hasiko da, martxoaren 1ean, 8ra arte. Emakumearen Zentroan ikusgai jarriko dituzte lan guztiak, herritarrak bertara joan eta iritzia eman dezaten. Balorazio horiek aintzat hartuko dituzte bigarren eta hirugarren sariak emateko. Aurrenekoa nork irabaziko duen, berriz, epaimahai batek deliberatuko du eta bere erabakia "apelaezina" izango da, udalak azpimarratu duenez.
Irabazleak 120 euro jasoko ditu; bigarrenak, 90 euro; eta hirugarrenak, azkenik, 60 euro.