Udal korporazioko zinegotziek otsaileko ohiko bilkura egingo dute gaur, udalbatza aretoan, 18:30ean. Gai zerrenda beste batzuetan baino laburragoa da: urtarrilaren 12ko batzarraren akta onartzeaz aparte, Oria-Gain eremuan babes sozialeko etxebizitzak sustatzeko hitzarmena luzatu ala ez erabakiko dute. Amaitu aurretik, galdera eta erreguetarako txanda zabalduko dute.
Herriko eremu horretan izaera horretako etxebizitzak bultzatzeko akordioa Eusko Jaurlaritzako Ingurumen, Lurralde Plangintza eta Etxebizitza Sailarekin sinatu zuen udalak, 2019ko otsailean.
Ohi bezala, udalak streaming bidez emango du saioa, bere YouTube kanalean.