Martxoaren 8a antolatzeko bilera irekia egingo du Asunak talde feministak gaur, Xirimirin

Hilabete eskas falta da Martxoaren 8rako, Emakumeen Nazioarteko Egunerako. Data horretan "kaleak hartu" eta "borroka feministaren aldeko aldarria" egingo duela adierazi du Asunak taldeak, eta iragarri bilera ireki bat aurrera eramango duela gaur arratsaldean, Xirimiri elkartean, 18:00etan, zer eta nola egin antolatzeko. "Ahots eta norbanako ezberdin eta anitzen hitza entzun nahi dugu, elkarren artean saretu eta aliantzak sortu zaintza, kolektiboa eta komunitatea erdigunean jarrita".