Zabaleta Auzolan elkarteko kideek jakinarazi dute makilak eskuetan hartu eta koplak abestera aterako direla larunbat honetan, otsailak 4, Santa Ageda bezperan. Basotxo plazan jarri dute hitzordua, 11:00etan. Irteera hori prestatzeko entsegua etzi egingo dute, 19:30ean, auzoko lokalean.
Kantuan eta makilekin lurra esnatzen ariko dira auzoan barrena, Joseba Tapia eta Iratxe Zelaia trikitilarien laguntzaz. Ondoren, Otegi sagardotegian bazkalduko dute. Aurten beteko dira 30 urte Zabaletako auzotarrak oles egitera irteten hasi zirenetik.
