Juan Bereziartua hil da

Txintxarri Aldizkaria 2023ko urt. 23a, 12:59
Juan Bereziartua, 2012an. Euskararen 8. Maratoia hastear zela elkarrizketatxo bat egin genion.

Notizia triste batekin hasi dugu astea: Juan Bereziartua hil da, 88 urte zituela. Urte luzez makina bat ikasle etxetik Landaberrira eta ikastetxetik etxera bueltan eraman zituen, bera izan baitzen txoferra. Lasarte-Oriako euskalgintzan ere gogotik aritu zen, Solaskide programan eta Ttakun Kultur Elkarteak antolatutako hainbat jardueratan, besteak beste, San Tomas azokako gaztainak prestatzen. Euskara elkarteko zuzendaritzako kideek eta langileek doluminak adierazi dizkiote familiari. Gaur arratsaldean egingo dute Juan Bereziartuaren hileta, San Pedro parrokian, 18:00etan.

Makina bat ikasle joaten ziren Landaberrira autobus urdin honetan. Bolantean, noski, Juan Bereziartua. 'Juan txoferra' ezizenez ezagutzen zuten askok.
 
Juan Bereziartua, Ttakun KEri laguntzeko beti prest. Zenbait urtetan San Tomas azokako gaztainak prestatu zituen. Solaskide programan ere aritu zen, hastapenetatik.

 

Gizartea