Europatik etorriko den laguntza hori Basaundiko eraikinen birgaitze energetikora bideratuko du udalak. Hilaren 20an berretsi zuen hitzarmena Agustin Valdivia alkateak, Espainiako Gobernuko zenbait ordezkarirekin: Garraio ministro Raquel Sanchez eta Lurralde Plangintza, Etxebizitza eta Garraio sailburuorde Miguel de los Toyos. Akordioa sinatu eta gero egindako adierazpenetan, Valdiviak adierazi zuen "apustu irmoa" egin duela udalak gure herriko bizitegi parkea birgaitzearen eta haren irisgarritasuna hobetzearen alde.
Udalak ezagutarazi duenez, proiektua "oso aurreratuta" dago, eta Basaundin bizi diren herritarrek erakutsi dute obrak egiteko eta laguntzak eskatzeko asmoa. Prozesu hori burutzen laguntze aldera, auzoko bulego bat jarri dute Basaundin, bizilagunen eskaerak bideratu eta egitasmoa garatzeak ekar ditzakeen arazoei erantzuteko.