Galiziako taldea izan zen norgehiagokaren jaun eta jabe, lehen ordu erdian bizkaitarrak oso sendo aritu baitziren ere. Carles Perezek sartu zuen 0-1ekoa. Atsedenalditik bueltan, partida berdindu eta Celta urduritzen saiatu zen Gernika, baina Joseph Aidoo atzelariak aldea handitu zuen markagailuan, korner jaurtiketa bat buruz sareratuta. De la Torre harrobiko jokalariak sartu zuen hirugarren gola.
Bukatu da Gernikaren ametsa, baina ezin esan Errege Kopan zeresanik eman ez duenik, izan ere, bigarren mailako Leganes kanporatu zuen azaroan, penalti jaurtiketetan (neurketa 0-0 amaitu zen). Orduko horretan ere titular izan zen Marcos; denboraldi bikaina egiten ari da.
Gernika-Celta, fitxa teknikoa
- Gernika: Altamira; Agirrezabala, Berasaluze, Arberas, Vega, Carlos Gonzalez (Iriondo, 84. minutua); Yeray Carpio (Agirre, 63. m.), Gorka Marcos (Ortega, 63. m.), Salado; Josu Gallastegi (Giovanni, 63. m.) eta Ibai Sanz (Lamin Juwara, 76. m.).
- Celta: Ivan Villar; Mingueza (Swedberg, 76. m.), Aidoo, Unai Nuñez; Carles Pérez (Hugo Mallo, 74. m.), Beltrán (Oscar, 74. m.), Gabri Veiga, Cervi (De la Torre, 56. m.), Javi Galan; Paciencia (Aspas, 56. m.) y Larsen.