Ohi bezala, diziplina artistiko ugari uztartuko dituzte Errezitaldian: poesia, musika, dantza, hitza... "Presoen beraien ahotsez gain, gizartearen ertzetan bazterturik dauden beste hainbat lagun eta kolektiboren ahotsak xuxurlatu eta erdigunera ekarri nahi ditugu, horien indarrak oihartzun egin dezan horma guztien gainetik".
Esan bezala, 2023ko urtarrilaren 8an aurrera eramango dute XII. Errezitaldia, 18:30ean, Oriako kaperan. Sarrera doakoa izango da, baina antolatzaileek aukera emango diete herritarrei ekarpen ekonomikoak egiteko, "bakoitzak ahal duen araberakoa", jarduera gauzatzeko gastuei aurre egiteko.