Ezker Hormako banakako txapelketak lehen jardunaldia izan zuen hilaren 19an. Michelin kirol gunean Intza KEren ordezkari bakarrak, Peru Urdanpilleta jubenilak 2. mailako neurketa jokatu zuen LAPKEren Erauskinen aurka.
Partidako lehen minutuetan lehia berdindua izango zela zirudien arren – seina berdinduta joan ziren–, aurkariak hobe hartu zion neurria norgehiagokari eta markagailuan aurreratu zen. Urdanpilletak, aldiz, ez zuen zorterik izan jokaldietan eta 1-22 galdu zuen.
Final laurdena
Banakako lehiak lehen pausoak ematen dituen bitartean binakako txapelketak azken faseari ekingo dio hilaren 26an. Intzaren ordezkaririk egongo ez den arren, Nagusien 3. mailako final laurdena jokatuko du Jon Pello Artetxe herritarra Behar Zanaren izenean. Ataun 2 izango dute aurkari lasarteoriatarrak eta Otaño bikotekideak. Partida zaila ezpero du herritarrak.