Kadete B taldeak eman zion hasiera hilaren 5eko neurketei; Arizmendi D izan zuen aurrez aurre. Lehen zatia 25-9 irabazi zuen etxeko taldeak eta partidan nagusi izango zela zirudien. Bigarren (25-21) eta hirugarren (25-20) setean ederki borrokatu behar izan ziren, ordea, garaipena eskuratzeko.
Jarraian, kadete A taldearen txanda izan zen eta horrek ere ez zuen huts egin. Fortuna 1 taldeari 3-0 (25-17,25-12 eta 25-23) irabazi zion.
Euskal Ligako 2. mailako taldeak eguna biribildu ahal izan zuen Jatorkideren aurka. Bi taldeak gogor jardun ziren eta aurkariak bina berdindu ostean, bosgarren seta jokatzera behartu zituen urdin-beltzak. Alabaina, 10-15 gailendu ziren gasteiztarrak.
Euskal Ligako mutilek Arizmendiren senior taldea izan zuten aurkari hilaren 6an. Kadete mailako neurketan ez bezala, ibartarrek eraman zuten saria 1-3 (7-25, 25-21, 17-25 eta 13-25) irabaziz.
Kanpoan ere fin ibili ziren Ostadarren taldeak.
Infantilek, esate baterako, etxeko bezala jokatu zuen Donostiako Aldapeta Maria ikastetxean. A taldeak lehen bi setak ederki borrokatu (25-19 eta 25-22) zituen. Hirugarrenean, aldiz, errazago izan zuen garaipena lortzeko (25-12). Bko kideek ere Aldapeta Mariaren aurka zuten neurketa eta ez zuten zorte bera izan; 0-3 (7-25, 12-25, 4-25).
Hondarribian izan zuten lehia jubenilek. Harresi 1en aurkako partida galtzen hasi (25-17) eta neurketari itzulia eman zioten gazteek; 1-3 (16-25,14-25 eta 23-25) amaitu zen norgehiagoka.