Udaleko Berdintasun teknikari Irati Olaetxea, Agustin Valdivia alkatea eta Emakumeen Zentroko teknikari Maite Iglesias arduratu dira Azaroaren 25erako prestatutako jardueren nondik norakoak emateaz. Valdiviak nabarmendu du udalak "gorriz markatuta" izan ohi duela egutegian egun hori, "beharrezkoa" delako "herritar guztien artean indarkeria mota horren aurka borrokatzea". Horretarako, ekimen hauek aurrera eramango dituzte datozen asteetan:
| Jarduera | Noiz? | Non? | Informazio osagarria |
| Autodefentsa feminista tailerra | Hilak 12, larunbata. 10:30etik 13:30era eta 14:30etik 17:30era | Emakumeen Zentroa | Elebitan. Atal teoriko eta praktiko bana izango ditu, eta Emagin elkarteak emango du. Beharrezkoa da aurrez izena ematea 943-36 39 58 zenbakira deituta, emakumezentroa@lasarte-oria.eus helbide elektronikora idatzita edo presentzialki, zentroan bertan. |
| Argazki eta ahalduntze tailerra | Hilak 17, osteguna. 17:30etik 20:00etara | Antonio Mercero gunea | Euskaraz. Idoia Telleria argazkilari herritarrak emango du. Beharrezkoa da aurrez izena ematea 943-36 39 58 zenbakira deituta, emakumezentroa@lasarte-oria.eus helbide elektronikora idatzita edo presentzialki, zentroan bertan. |
| Mujeres mayores, impacto del machismo en sus vidas hitzaldia | Hilak 23, asteazkena. 17:30ean hasita | Biyak Bat egoitza | Gaztelaniaz. ONEKA Euskal Emakume Pentsionisten Plataformaren eskutik. |
| Beldur Barik lehiaketaren sari banaketa ekitaldia | Hilak 24, osteguna, 19:00etan | Kultur etxeko hitzaldi aretoa | |
| Elkarretaratzea | Hilak 25, ostirala, 12:00etan | Okendo plaza | |
| Luze edo motz antzezlana | Hilak 25, ostirala, 20:00etan | Kultur etxeko auditorioa | Euskaraz. Idoia Torregaray eta Mirari Martiarenaren eskutik. Sarrerek 3 euro balio dute. |
| Pronoia antzezlana | Hilak 26, larunbata, 17:30ean | Kultur etxeko auditorioa | Gaztelaniaz. Virginia Imazen eskutik. Sarrerek 3 euro balio dute. |
| No te preocupes querida filma | Hilak 27, igandea, 19:30ean | Kultur etxeko auditorioa | Gaztelaniaz. Sarrerek 6 euro balio dute. |
| Lilithen aroak antzezlana | Hilak 29, asteartea, 09:00etan | Kultur etxeko auditorioa | Euskaraz. DBH 3. eta 4. mailetako ikasleei zuzendutako jarduera. |
| Haurrentzako ipuin kontaketa | Hilak 29, asteartea, 17:30ean | Kultur etxeko hitzaldi aretoa | Euskaraz. 6 eta 8 urte artekoentzako saioa, berdintasuna landu bitartean irakurketarekin jolasteko. Maria Garcia Lodero-ren eskutik. |
| Sálvese quien pueda, Canal 38 antzezlana | Abenduak 1, osteguna, 19:30ean | Kultur etxeko hitzaldi aretoa | Gaztelaniaz. Makelur konpainiaren eskutik. Sarrerek 3 euro balio dute. |
Iglesiasek eta Olaetxeak zehaztu dute Errespetuz jokatu lelodun banderolak jarriko dituztela Hipodromo zubian, ostiral honetatik hasi eta hilaren 30era arte. Bidenabar, elkarretaratzearen egunean zenbait zapata gorri jarriko dituzte Okendo plazan, aurten gertatutako erailketa matxistak salatzeko, eta "biribil moreak" erabiliko dituzte indarkeria mota horren gaineko estatistikak emateko, Lasarte-Oriakoak nahiz EAEkoak. Kutxa more bat ere jarriko dute Okendon, lasarteoriatarren iradokizun, iritzi eta kezkak biltzeko.
Prentsaurrekoa amaitu aurretik, hiru ordezkariek herritar oro animatu dute antolatutako egitasmoetan parte hartzera.