FARAE Euskal Herriko Andaluziar Etxeen Elkarteak kontzertu bat prestatu zuen Semblante Andaluz elkartearekin batera biharko, baina atzeratu egin behar izan dute eszenarioan gertatutakoagatik. Datorren asterako matxura konpontzerik lortuko ez balute, bertan behera geratuko lirateke ere Okendo Zinema Taldearen zineforuma (hilaren 27an, 22:00etan) eta hilaren 30eko bi proiekzioak, haurrentzat zein helduentzat, 17:30ean.
Lasarte-Oriako Udalak jakinarazi du bertan behera utzi behar izan dituela kultur etxeko auditorioan programatuta zeuden emanaldiak, agertokian matxura bat gertatu delako. Kaltea konpondu arte ez dute ekimenik aurrera eramango bertan.