Partida gogorra espero zuten arren, Beñat Olazabal eta Pedro Elosegui bikoteak erosotasunez irabazi zuen partida (22-9). Jubenil 2. Mailako jardunaldian Hernani 3 izan zuten aurrez aurre eta Lasarte-Oriako pilotariak ederki jardun ziren.
Partida hasieratik sendo jokatu zuten Intzako pilotariek. Ez zuten hutsik egin eta atzean jokatzera behartu zuten Hernani. Era horretara, 15-1 aurreratu ziren markagailuan.
Ostean partida orekatu zen. Hala ere, hernaniarrek ez zuten etxekoen garaipena arriskuan jarri.
Jose Felix Solano prestatzailea pozarren dago denboraldi hasieran bi pilotariek erakutsitako jarrerarekin: "Oso ondo jokatzen ari dira".
Asteburu honetan, kirol elkarteko txikiak hasiko dira lehian. Alebin mailako lau pilotari buruz buru jokatuko dute, bi 1. mailan eta beste bi 2. mailan.