Errugbiko Errege Kopako finala jokatuko da hilaren 25an, igandearekin, Sevillako La Cartuja zelaian. Silverstorm el Salvador eta Real Ciencias Enerside taldeak izango dira aurrez aurre. Talde horietan Lasarte-Oriako jokalaririk egon ez arren, gure herriak izango du ordezkaririk; marrazain lanetan Jon Ibisate izango da. Iñigo Atorrasagastirekin (epaile nagusia) eta Pablo Pascualekin (marrazaina) batera egingo du lan herritarrak. 2021-2022 denboraldian zehar, lehiaketa horretako beste hainbat partidetan ere izan dira hirurak arbitro lanak egiten.