Ohiko kokalekura bueltatu da azoka, pandemiak eragindako gorabeheren ondoren. Kale Nagusia ez dute itxi, eta salmenta postuak, jolasak edo erakustaldiak Okendotik abiatzen den ibilbide zirkular bat osatuz jarrita daude, Askatasun parkea, ibai ertza eta Brigitarren plaza ingurua hartuta.
Ibilbidea osatzen lehenak, Agustin Valdivia alkatea, Lourdes Acevedo alkateordea, David Mateos, Maite Iglesias, Txus Alonso, Nuria Fernandez eta Nagore Duran zinegotziak izan ziren ostiral arratsaldean. Haien aurretik, bidea erakusten, pertsonaia bereziek osatutako kale jira joan zen, aurrez, erakustaldi laburra egin zuena Okendon. Udal ordezkarien atzetik herritar ugari etorri da hiru egunotan.
Xaboiak, jakiak, mineralak, ehunak, bitxiak... erosteko aukera zabalaz gain, bestelakoak ere badira bidean. Askatasuna parkean haurrentzako zenbait jolas daude baita Elkanoren mundu birari buruzko ikus-entzunezko bat eta zenbait azalpen afixa ere. Horren ondoan, Erdi Aroko lanabesak eta bestelako tresnak ikusgai daude. Aurrerago, berriz, Donejakue Bideari buruzko beste informazio afixa batzuek lotzen dituzte azokaren bi guneak.
Horrez gain, bestelako jarduerak ere aurrera eraman dituzte asteburu osoan zehar. Ipuin kontalariak ibai ertzetik gertu izan du bere txokoa. Kontatu dituen ipuinen artean, ostiral arratsaldean borrokan egin nahi duen Amalur printzesaren abenturen berri eman zien inguruan eseri zitzaizkion haurrei. Zoco arabean musika ikuskizuna izan zen, eta Te atraca la Callek musika eraman zuen azokako txoko batetik bestera.
Igandeko egitaraua:
- 11:00. Azokaren irekiera
- 12:00. Barzonia
Ipuin kontalaria
- 12:30. Acibreria musika ibiltaria
- 13:00. Ipuin kontalaria
- 13:30. Orkestra gizona
- 14:00. Cabaila Zingary gune arabiarrean
- 17:30. Barzonia
Cabaila - 18:00. Acibreira
Ipuin kontalaria - 18:30. Cuerna Onirica
- 19:00. Te atraca la calle
- 19:30. Pedrito one whell
Ipuin kontalaria - Amalurra - 21:00. Azoka itxiera