"Aipatu tarte horretan kanpainarekin bat egin duten establezimenduetan erosketak egiten dituen orok txartel itxi batzuk jasoko ditu. Horietako batzuek zuzeneko sariak dituzte, pintxoak, taberna hauetan kontsumitzekoak: Hirualdeta, Arkupe, Avenida, Alai, Buenetxea, Herriko Etxea eta Viña del Mar", azaldu du Aterpeako lehendakari Miguel Angel Prietok. "Gainerako tiket guztiak zorro batean sartuko ditugu, 1.000 euro zozkatuko baititugu erosketa bonutan". Prietok jakinarazi duenez, pintxoak irabazten dituztenek kanpaina bukatu eta hurrengo egunetan ere joan ahalko dute lehen aipatu tabernetara.
"Funtsezko lana"
Prietoren ondoren, udaleko Sozioekonomia buru Nuria Fernandezek hartu du hitza, Aterpearen "funtsezko lana" azpimarratzeko: "Inoiz baino beharrezkoa da gure herriko merkataritza sustatzea, eta Gozatu kanpaina da horren erakusgarri; eskerrik asko egiten duzuen guztiagatik; bezeroek parte hartzea espero dut".