Harrera ederra egin diete egoitzako erabiltzaile eta langileek txokoetako haur eta begiraleei. Elkar agurtu eta bere burua aurkeztu dute haurrek; nola izena duten esan diete egoitzako egoiliarrei. Ostean, bozgorailuan musika jarri eta lehen abestia kantatu eta dantzatu dute: Ahoa bizi, belarriak prest! . Giro bikaina sortu dute denak elkarrekin dantzan. Lehen saiotxoa amaituta, animatu dira beste abesti batzuekin; Pirritx, Porrotx eta Marimototsen Riki-riki eta Euri tanta-ren erritmora astindu dituzte gorputzak.
