Nazioarteko parte-hartzaileak izan ziren hilaren 18an, Lekeitioko XXIX. Triatloian. Kirolariek 750 m. igerian, 21 km. bizikletan eta 5 km. lasterka egin behar zituzten. Ines Moreno arabarrak eta Kurt Macdonald australiarra izan ziren azkarrenak helmugan. Morenok gainera Euskadiko txapela jantzi zuen; gizonezko mailan, Urko Herran arabarrak eskuratu zuen Euskadiko txapelketa. Lasarte-Oriako kirolariak ere izan dira lehen postuetan.
Zumeatearra taldeko Aimar Sukuntza herritarra hamahirugarren postuan iritsi zen helmugara. 01.04.25 denbora behar izan zuen ibilbidea egiteko eta marka horri esker, junior mailako Euskadiko txapelketan hirugarren postuan sailkatu zen.
Trinko taldeko Itsaso Tolosa, berriz, seigarren postuan sailkatu zen 01.20.17 denborarekin.
Ez zen proban parte hartu zuen herriko kirol taldeko kide bakarra izan, Asier Gorostegi (01.16.40), Mikel Izagirre (01.19.36) eta Iñaki Urchueguia (01.23.02) ere lehian izan ziren. Klubetako txapelketan hogeita bosgarren postuan sailkatu ziren.
Zumeatarra taldeko Ibai Izagirre herritarrak, berriz, txirringako eremuan proba uztea erabaki zuen.
Asteburu honetan, Donostian bi hitzordu izango dira. Larunbatean, Emakumeen Triatloia antolatu da eta iganden, berriz, Donostiako Triatloia Onditz Oroimenezkoa jokatuko da.