Bihar goizeko gimnastika erakustaldia 10:30ean hasiko da, Maialen Chourraut kiroldegian. Hilaren 27an, astelehenarekin, jokoetako sariak banatuko dituzte egoitzan bertan, 18:00etan. Bestalde, San Pedro Jaien egitarauaren barruan, lerroko dantza erakustaldi bat aurrera eramango dute, hilaren 30ean, ostegunez, 11:00etan Okendo plazan.
Biyak Bat egoitzako kideek ez dute aspertzeko astirik izango datozen egunetan. Gaur, esaterako, hainbat jokotan ariko dira: toka, igela eta botea. Isla plazan elkartuko dira, 16:00etan. Bihar goizean gimnastika erakustaldia egin eta kontzertua izango dute: Biyak Bat eta Añorgatik etorritako Gure Kabia koruek abestuko dute, Ama Brigitarren komentuan, 18:00etan.