LOKEko tenis jokalari gazteak ederki ibili dira lehian maila ezberdinetan eta horren erakusle bakarka zein taldeka lortutako emaitzak dira.
Hala nola, Unax Urdampilleta Kadete Mailako Eskolarteko Gipuzkoako txapelketan garaile izan zen eta Gabriele Fernandorena, Joane Lizaso eta Nerea Odriozola hirukoak Infantil mailako Gipuzkoako taldekako txapelketa eskuratu zuen Azpeitian jokatutako finalean.
Horrez gain, ataleko arduradun Yurritak ere parte hartu du lehiaketaren batean. Euskadiko Selekzioak Beterano mailako Erkidego Arteko EspainiakoTxapelketarako hautatu eta Mallorcan izan zen taldekako lehian.
Euskadiko Selekzioa finalerdira iritsi zen Aragoi eta Valentzia gainditu ostean. Gerora Txapelketako irabazle izango zen Katalunia izan zuen aurrez aurre finalaurrekoan eta 3-0 gailendu zen aurkaria.