Alex Saleta herritarra Errugbi Zazpiko Euskadiko Selekzioarekin lanean ari da. Ekainaren 11n, Madrid Sevens nazioarteko Torneoan Ohorezko mailako lehian parte hartu eta urrezko kopa eskuratu dute. Sendo jokatuz multzoko neurketak eta finalerdia gainditu zituen taldeak. Finalean, berriz, Cisneroseko GOA7s etxeko taldea izan zuten aurrez aurre eta hori ere garaitu zuten. Hurrengo asteburuan Andorrako Nazioarteko Txapelketa lehiatuko dute.