Motorren burrunbak herrira itzuliko dira datorren asteko asteburuan

Txintxarri Aldizkaria 2022ko ekainaren 9a

Scooter Club Euskadi elkarteko ordezkariak eta Txus Alonso Jaietako zinegotzia, rallya aurkezten, Ventanas Alcar komertzioan.

Scooter Club Euskadi elkarteak scooter motako motorren topaketa antolatu du hilaren 17tik 19ra. Pandemia tarteko, azken bi urteetan ezin izan dute herrian elkartu, eta irrikaz daude horretarako. Egitarau oparoa prestatu du. Datorren asteko asteartea baino lehen izena ematen dutenek 45 euro ordaindu beharko dituzte, eta behin rallya hasi denean inskribitzen direnek, 55. 7 eta 14 urteko haurrak apuntatzeak 35 euro balio du.

EGITARAUA

Ekainak 17, ostirala

19:00etan, harrera eta motorren erakusketa Donostia etorbidean. Izen emateak, Santxo tabernan.
21:00etan, afaria, Santxo tabernan.
22:30ean, herrian barrena ibilbidea, kontzertuetara joan aurretik.
23:00etan, musika emanaldiak Buenetxea tabernan.

Ekainak 18, larunbata

10:00etan, motorren erakusketa Okendo plazan.
11:00etan, barrikotea eta pintxoak Tiburtzio Artizar. Txalaparta emanaldia ere egingo dute.
12:00etan, txangoa. 85 kilometroko ibilbidea egingo dute.
15:00etan, bazkaria, Hernaniko Jauregi jatetxean.
18:30ean, motorren erakusketa Andapa kalean. Genesis tabernan garagardo kupelak jarriko dituzte.
21:30ean, afaria Buenetxea tabernan.
22:00etan, kontzertuak Buenetxean: Bonzos eta Neumaticos Cheinwz taldeek joko dute.

Ekainak 19, igandea

12:30ean, bermuta eta motorren erakusketa, Arkupe tabernan.
14:30ean, bazkaria Arkupen.

Ekainaren 18an, larunbatarekin, motorren erakusketa egingo dute Okendo plazan, 10:00etatik aurrera.

Kultura