Lasarte-Oriako Taula Xake Klubak antolatutako ekimenean herriko taldeaz gain (bi talde aurkeztuko ditu), Euskadi mailako sei talde gonbidatu izango dira lehian.
Xake azkarra modalitatean jokatuko dira partidak. Beraz, jokalari bakoitzak bost minutu izango ditu jokaldia pentsatu eta gauzatzeko.
Txapelketa Euskal adiskidetasun zirkuituaren hitzorduetako bat da. Horregatik, Klubeko kideek jakitera eman dutenez, lehiaketa amaitu ostean, partaide guztiek bazkari goxoa dastatuko dute Palomo Linares Elkartean.