Zegama-Aizkorri berezia izan da aurtengoa. Eguraldiari ederra izan zuten parte hartzaileek 42,195 kilometroko bidea egiteko eta zaletuen animoak ere jaso zituzten puntu esanguratsuenetan. Ondorioz, errekorra hautsi zuten lehen postuan sailkatu ziren Kilian Jornet katalanak eta Nienke Brinkman nederlandarrak. Helmugara iritsi ziren korrikalarien artean, Lasarte-Oria Trail elkarteko Ricardo Marcos (06.23.27) eta Juan Luis de la Mata (06.32.11) zein Ostadar Mendi Taldeko Julen Ollokiegi herritarra (06.04.10) izan ziren.
Bestalde, maiatzaren 28an, Gavin, Huescan Crestas del Infierno proban lehiatu zen LOTMEko Ines Aguado.
42 kilometroko ibilbidea 07.03.05 denboran egin zuen. Emakumezkoen mailako hirugarren postua eta beterano mailako bigarrena eskuratu zituen.
Hondarribiko 10K proban ere izan zen herritarrik eta lehen hamarren artean sailkatu zen Jon Presa, 33.02 denborarekin.
