Aipatu udaletako Euskara zerbitzuek garatzen dute egitasmoa, eskualdeko autoeskolekin elkarlanean: Andoainen, Bengoetxea eta Mendik parte hartuko dute; Astigarragan, Otamendik; Hernani, Lagunak eta Otamendi Hernanin; Mugicak Lasarte-Orian; eta Urnietan nahiz Usurbilen, Solozabalek.
Udaleko Euskara batzordeburu Jon Antxordoki eta Mugica autoeskolako zuzendari Ana Mugicak aurkeztu dute herri mailako egitasmoa.
Mila lagun baino gehiago
Baztertu aurreiritziak eta hautsi inertziak! lelotzat hartuta, 12 urte daramatzate udalek egitasmoa sustatzen, eta jakinarazi dute 1.192 lagunek lortu dutela gidabaimenaren atal teorikoa euskaraz ateratzea.