Osasun agintariak datuak herriz herri xehatuta ematen hasi zirenetik, gure herrian 6.199 kutsatze atzeman dituzte. Birusak infektatu dituen herritar ia guztiak sendatu badira edo bidean badaude ere, zoritxarrez, 24k ezin izan dute osatu eta hil egin dira. Pandemia hasi zenetik, aurtengo urtarrilean atzeman dituzte kasu gehien: 2.120.
Osakidetzak eta Eusko Jaurlaritzako Osasun Sailak maiatzaren 9tik 15era arteko datu epidemiologikoak argitaratu dituzte. Tarte horretan 57 kasu detektatu dituzte gure herrian, eta azken hamalau egunetan, 114. Intzidentzia tasa metatua 590,86koa da.