Hauek dira Udal Musika Eskolako ikastaro bakoitzaren tasak:
| Ikastaroa | Herrian erroldatuak | Herrian erroldatu gabeak |
| Musika txokoa | 291,65 euro | 350,85 euro |
| Hizkuntza musikala | 291,65 euro | 350,85 euro |
| Musika instrumentua | 291,65 euro | 350,85 euro |
| Txistua edo akordeoia | 228,35 euro | ---------- |
| Hizkuntza musikala eta instrumentua | 540,30 euro | 655,70 euro |
| Hizkuntza musikala eta txistua edo akordeoia | 423,40 euro | ---------- |
| Korua | 48,85 euro | 59,30 euro |
| Ganbera | 146,65 euro | 176,10 euro |
| Instrumentu taldea | 96,25 euro | 116,95 euro |
Udalak zehaztu du kurtso horietako batean tokia eskatzerako unean kuotaren %10 ordaindu beharko dutela herritarrek, eta adjudikatua izan zaien ala ez posta elektroniko bidez jakingo dutela. Gaztetxartela duten lasarteoriatarrek %10eko hobaria izango dute; familia ugaria dutenek, %30ekoa. Azken horiek onurak eskatu ahalko dituzte baldin eta familiako bi kide baino gehiago matrikulatzen badituzte musika eskolan.
Ikasturtearen hasiera, urriaren 3an
2022-2023 ikasturtean Dantza Eskolan ikasten duten lasarteoriatarrek urriaren 3an hasiko dute kurtsoa, udalak ezagutarazi duenaren arabera. Udal Musika Eskolan bezalatsu, aurrematrikula hilaren 20ra arte egin ahalko dute, eta matrikula, ekainaren 13tik 24ra.
Eskola egun eta ordutegiak ikasleen adinaren arabera finkatu dituzte arduradunek: 6 urte dituzten ikasleek astearte eta ostegunetan egingo dituzte saioak, 17:30etik 18:15era; 7 urtekoek, astelehen eta asteazkenetan, 17:30etik 18:15era; 8 urtekoek, astelehen eta asteazkenetan, 18:15etik 19:00etara; eta, 12 urte baino gehiago dituztenek, astelehen eta asteazkenetan, 19:00etatik 20:30era.
Herrian erroldatuta dauden ikasleek 30 euro ordaindu beharko dituzte hileko, eta ez erroldatuek, bikoitza, 60 euro. Gaztetxartela duten herritarrek %10eko deskontua izango dute.