Hauek dira biharko saioan erantzungo dituzten galderetako batzuk: Zein bazkidetza prozesu eta irizpide ditugu gure enpresetako ereduen artean? Zeintzuk dira gure zailtasunak? Nola egiten dute eskualdeko gainerako enpresek?.
Bihar bazkidetza prozesuen inguruan egingo den saioaz gain, beste bi saio aurreikusi ditu Beterri Saretuzek. Hilaren 11n, inklusioa ardatz hartuta, gizarte bazterketan dauden pertsonen laneratzea enpresetan nola landu aztertuko dute Hernanin, Bogan kooperatiben arteko gunean.
Bestalde, ekainaren 1ean, esperientzia trukeen zikloa ixteko Beterri Saretuzeko eskualdeko emakumeen foroa izango da. Antolatzaileek azaldu dute horietan parte hartzeko izen ematea jadanik zabalik dagoela.