Ia ahaztuak genituen ospakizun asko eta asko berreskuratzen ari gara aurten. Horietako bat da ekainaren 23ko San Joan sua. Pandemia iritsi aurreko urteetan bezala, Andatza plazara igoko dira lasarteoriatarrak. Sokadantza 21:00etan hasiko da, eta horretan parte hartu nahi dutenentzat entsegu irekiak prestatu ditu Erketz EDTk, 20:00etan, asteartero, maiatzaren 10etik aurrera, Garaikoetxea-Landaberri ikastetxean. Interesatuta daudenek bertara joan besterik ez dute.