Kirol Udalekuetan 2010 eta 2013 urte artean jaiotako haurrek kirol ezberdinez gozatzeko aukera izango dute: surfa Zurriolako hondartzan, kayak-a Ondarretako hondartzan, hipika Lasarte-Oriako zalditegian, Urnietako igerilekura irteera zein kirol jarduera (badminton-a, baseball-a, tenisa, kanpo-errea, etab.)
Udalekuek bi txanda ezberdin izango dituzte eta bakoitzak aste beteko iraupena izango du. Astelehenetik ostiralera 9:00etik 13:00etara eramango da aurrera jarduera.
Izena ematea apirilaren 25ean irekiko da. Inskripzioa Maialen Chourraut kiroldegian egin behar da bulegoko ordutegian – astelehenetik ostiralera 9:00etatik 13:00etara eta asteazkenetan 17:00etatik 19:00etara–.
Kirol Zerbitzuek jakitera eman dutenez, taldeak gehienez 20 lagunekoak izango dira, eta plazen erreserbak egiteko izen ematearen hurrenkera errespetatuko da.
Informazio gehiago jasotzeko ere Maialen Chourraut kiroldegiko bulegoan eskainiko dute.