Lasarte-Orian, adibidez, EAGI zentroan izango dute ikasleek Lanbide Heziketa euskaraz egiteko aukera. Erdi mailan, bi ziklo egin ahalko dituzte: eraikuntzako teknikaria izatekoa edo barnealde, dekorazio eta birgaitze obretako teknikaria izatekoa. Goi mailan, aldiz, eraikuntza obrak antolatzeko eta kontrolatzeko goi mailako teknikaria izateko zikloa. Informazio gehiagorako, eagi@eagi.eus helbide elektronikora idatzi edo 943-56 92 22 telefono zenbakira dei daiteke.
2022-2023 IKASTURTEKO ESKUORRIA
Euskara ongi jakitea, "erabakigarria"
Eskualdeko udalek nabarmendu dute formatzen ari diren gazteen etorkizunean "erabakigarria" izan daitekeela euskara ongi jakitea, eta horretarako "ezinbestekoa" dela lanbide heziketako zikloa aukeratzeko garaian D eredukoa lehenestea. Horrez gain, ikasketa horiek euskaraz eginez gero, B1 (erdi mailako zikloak eginez gero) zein B2 (goi mailakoak eginez gero) agiriak eskura ditzakete ikasleek.