Lasarte-Oriako gazteei "aisialdirako aukera ludiko eta hezitzaile bat eskaintzeko asmoz", udalak hainbat ikastaroz osatutako eskaintza prestatu du. Jarduerak, batez ere, Gaztelekuan bertan egingo dituzte. Horietako zenbait egin ahal izateko, interesa dutenek ordaindu egin beharko dute, eta beste batzuetan aritzeko, berriz, ez. Hau da eskaintza:
| Ikastaroa | Izena emateko azken eguna | Prezioa | Iraupena | Zein astegunetan? | Ordutegia |
| Artea eta emozioak (3-4 urtekoentzat) | Apirilak 25, astelehena | 41,25€ | Maiatzaren 2tik ekainaren 1era | Astelehenetan eta asteazkenetan | 17:30etik 18:30era |
| Artea eta emozioak (5-6 urtekoentzat) | Apirilak 25, astelehena | 41,25€ | Maiatzaren 3tik ekainaren 2ra | Astearte eta ostegunetan | 17:30etik 18:30era |
| Artea eta emozioak (7-9 urtekoentzat) | Apirilak 25, astelehena | 24,75€ | Maiatzaren 2tik ekainaren 1era | Astelehen eta asteazkenetan | 18:45etik 19:45era |
| Artea eta emozioak (10-12 urtekoentzat) | Apirilak 25, astelehena | 24,75€ | Maiatzaren 3tik ekainaren 2ra | Astearte eta ostegunetan | 18:45etik 19:45era |
| Shuffle dantza | Apirilak 7, osteguna | Doakoa da | Apirilaren 8tik ekainaren 3ra | Ostiraletan | 17:30etik 19:00etara |
| Perkusio tailerra | Apirilak 7, osteguna | Doakoa da | Apirilaren 9tik ekainaren 4ra | Larunbatetan | 11:30etik 13:00era |
| Film laburrak grabatu sakelako telefonoarekin | Apirilak 24, igandea | Doakoa da | Apirilaren 29tik maiatzaren 13ra | Ostiraletan | 17:30etik 19:00etara |
| Kamisetak tindatzea eta margotzea | Maiatzak 4, asteazkena | Doakoa da | Maiatzaren 7tik 14ra | Larunbatetan | 11:30etik 13:00era |
| Kamisetak tindatzea eta margotzea | Ekainak 7, asteartea | Doakoa da | Ekainaren 11tik 18ra | Larunbatetan | 11:30etik 13:00era |
| Henna Tattoo | Apirilak 25, astelehena | Doakoa da | Apirilaren 30ean | Larunbatean | 11:30etik 13:00era |
| Escape room morea | Apirilak 7, osteguna | Doakoa da | Apirilak 8 | Ostiralean | Talde bakoitzak ordu erdi izango du ibilbidea egiteko. Lehen multzoa 17:30ean hasiko da, eta azkena, 20:00etan. Gehienez sei pertsonak parte hartu ahalko dute batera. |
| Eskolako lanekin laguntzeko tailerra | Ez da beharrezkoa izena ematea | Doakoa da | Ekainaren 15era arte | Asteazkenetan | 17:00etatik 19:00etara |
Nola eta non eman daiteke izena?
Aipatu ikastaroetan apuntatzekotan dabiltzanek hainbat modu dituzte horretarako. Aurrez aurre egiteko, Manuel Lekuona Kultur Etxera joan daitezke, astelehenetik ostiralera, 10:00etatik 13:00era edo 17:00etatik 20:00etara, edo bestela, Gaztelekura, asteartetik larunbatera, 12:00etatik 20:30era.
Telematikoki izena emateko, hiru aukera: 943 37 61 81 telefonora deitzea, udalaren webgunearen bidez egitea edo etxez etxe banatuko dituen eskuorrietako QR kodeak eskaneatzea sakelako telefonoarekin.
Jarduerak proposatzeko aukera
Udalak nabarmendu du prestatu duen egitaraua "zabala" dela, baina ez dio atea itxi are gehiago zabaltzeari. Jakinarazi du herritarrek aukera dutela jarduera gehiago proposatzeko, 5+1 ikastaro irekiak egitasmoaren bidez. "Ikastaroa antolatzeko konpromisoa hartuko dugu, baldin eta gutxienez sei pertsonak parte hartzen badute".
Tailerren iraupena herritarrek beraiek zehaztu behar dute: laburrak izan daitezke, egun bakarrekoak, luzeak... Udalaren arabera, gaia ia edozein izan daiteke: aisialdia, kultura, gateria, hezkuntza, teknologia berriak, musika, dantza, eta abar.