Garagardo dastaketa egingo dute Ttakunenean, hilaren 31n

Txintxarri Aldizkaria 2022ko mar. 26a, 08:00

Saltus eta Boga kooperatibek Hitz eta Ekin garagardoak sortu dituzte 22. Korrikarako. Muntteri-AEK euskaltegiak dastaketa antolatu du Ttakunenea elkartean, hilaren 31n, 20:00etan. Parte hartzen dutenek, edateaz gain, bertako jakiak dastatuko dituzte. Sarrerek 12 euro balio dute eta Jalgi kafe antzokian eros daitezke.