22. Korrika apirilaren 8an igaroko da Lasarte-Oriatik, 07:11n. Egun horretarako motorrak berotze aldera, Korrika Kulturala prestatu du AEK euskaltegiak, hainbat eragilerekin elkarlanean. Lehen jarduera gaur arratsaldean izango da, Ttakunenea elkartean, 18:00etan: Euskararen egoera herrian: nondik gatoz, nola gaude, nora goaz? mahai ingurua, hain zuzen ere.
Ane Labakak moderatuko du solasaldia, eta hauek izango dira gonbidatuak:
- Joxe Mari Agirretxe Porrotx.
- Iñaki Arruti, euskara teknikaria.
- Bea Egizabal, aktorea eta ekintzailea.
- Maider Galardi, gazte mugimenduko kidea eta kazetaria.
- Uxue Loinaz, AEK-ko irakaslea.
- Mari Karmen Ormazabal, Ttakun Kultur Elkarteko lehendakaria.
