Lasarte-Oriako 11 bikotek parte hartu dute Euskal Herriko Mus Txapelketako lehen kanporaketan, herri mailakoan. Alex Etxeberria eta Ibai Zamora gazteak gailendu dira, finalean Xabi Arteaga eta Beñat Esnaolari irabazita. Dena den, bi bikote horiek sailkatu dira hurrengo fasera: Gipuzkoako kanporaketa jokatuko dute hilaren 26an, Seguran, 15:00etatik aurrera.
Txapelketako final handia apirilaren 9an jokatuko dute, Baigorrin (Behe Nafarroa). Sariak ez dira nolanahikoak: final handia irabazten duen bikoteak, esaterako, 3.000 euro poltsikoratuko ditu, eta lau lagunentzako bidaia irabazi, Karibera. Informazio gehiago, federazioaren webgunean.
