Bi taldeak gogotsu atera ziren kantxara. Alabaina etxeko taldeko erabakiak ez ziren egokiak izan erasoan; defentsan ere akats ugari egin zituzten. Horietaz baliatuz aurkariak aukera ugari sortu zituen eta markagailuan aurreratzeaz gain, beste hiru alditan ere sartu zuen baloia sarean.
"Atsedenaldira iritsi baino lehen, txukunago ibili ginen baita bigarren zatian ere," azaldu du Jon Arozena taldeko prestatzaileak.
Horri esker, aldea murriztea lortu zuen herriko taldeak gola eginez, baina Arozenak onartu moduan, "jada aldea handiegia zen".
Arriskua hartu eta atezain jokalaria ezarri zuen entrenatzaileak, baina "ezin izan ginen markagailuan gehiago hurbildu".
Donostiako taldeak beste hiru gol egin zituen bigarren zati horretan eta puntuak eskuratu zituen.
Gainerako mailetako emaitzei dagokionez, bi garaipen eta porrot bat izan zituzten Eguzkiko taldeek. 1. Mailako Eguzki Arkupe Rehabilitaciones taldeak 0-3 garaitu zuen Oiartzun eta Gazteen mailako taldeak 10-4 irabazi zuen Anoeta FT; infantil taldeak, berriz, Herrikide Kad taldearen aurka 9-5 galdu zuten.