Inauteriak beti bezala ospatzeko irrikaz zeuden lasarteoriatarrak, eta askotariko gaiak aukeratu dituzte mozorrotuta irteteko kalera. Indioak eta bakeroak, lanbideak, eta beste hamaika. Gaurko egunean zehar argazki galeria dotorea argitaratuko du TXINTXARRI-k, goizeko zein arratsaldeko irudiekin. Orain arte harrapatu ditugunek oso altu jarri dute maila, eta ziur are gehiago igoko dela egunean zehar! Gora Inauteriak!
Topatuko duzuenaren aurrerapen bat: Eskorbuto taldeko gitarrista, 1939an Buruntzan gurutzea jarri zuten falangistetako bi, pandemia hasieratik telelana egiten jarraitzen duen behargin bat, Barbie eta Ken panpinak, Eroskiko langileak... Ederrak denak! Bejondeizuela!
Esan bezala, eguna amaitzerako argazki galeria bat igoko dugu gure atari digitalera. Adi egon!
