Batzorde horretako kideak hauek izan ziren:
- PSE: Ana Urchueguia, Antonio Herranz, Froilan Elespe, Angel Barrera, Jose Luis Lopez, Jose Mari Urdanpilleta, Martin Moreno eta Ramon Lopez.
- EAJ-PNV: Juan Ignazio Izeta, Pello Sasiain, Juan Jose Yarza, Pedro Mari Illarreta eta Pedro Ormazabal.
- HB: Victorio Herrera, Jesus Agirretxe, Ignazio Eskisabel.
- EE: Marisa Martin.
Ordezkaritza zuen talde bakoitzak hitza hartu zuen, eta horren ostean, alderdi sozialistak hautagai bakarra aurkeztu zuen lehendakari izateko: Ana Urchueguia. 1987ko maiatzeko udal hauteskundeetara arte, batzorde horrek gidatu zituen herriaren lehen urratsak. Lasarte-Oria udalerri independente gisa eratua izan zenetik, lau alkate izan ditu: Ana Urchueguia, Jesus Zaballos (PSEkoak biak), Pablo Barrio (EH Bildu) eta Agustin Valdivia (PSE-EE). Azken honek 2019ko abenduan hartu zuen kargua, Zaballosek dimititu eta gero.
